गुहागर – आपण बँकेत पैसे सुरक्षित रहावे म्हणून ठेवतो. बँकेत गेल्यानंतर आपलं काम लवकर झालं पाहिजे असं प्रत्येकाला वाटत असतं त्यासाठी बँकेचे नियम ही आपण पाळत असतो.मात्र याच बँकेत गेल्यावर कॅशियर आणि सिक्युरिटी गार्ड जर तुम्हाला बाहेर जा आणि बाहेर उभे रहा असे सांगत असेल.. तर होय असा प्रकार घडला आहे गुहागर तालुक्यातील शृंगारतळी मधील एचडीएफसी बँकेत या बँकेत गुहागर तालुक्यातील एक महिला बचत गट बँकेत कामासाठी गेले होते. त्यावेळी त्या महिलांना दुपारी बाराच्या सुमारास आम्ही बँकेत कॅश ठेवली आहे. तुम्ही बाहेर जा ती कॅश आम्हाला मोजायची असे सांगून बँकेच्या बाहेर काढले आणि भर उन्हात उभे केले. अशाप्रकारे महिलांचा अपमान जर या बँकेत होणार असेल तर या बँकेत आपण व्यवहार का ? करावेत असा प्रश्न त्या निमित्ताने महिलांनी उपस्थित केला आहे.
सर्वसामान्यांसाठी सुरक्षित अशी बँक मानली जाते. जर याच बँकेत अशा प्रकारे ग्रामीण भागातील महिलांना वागणूक दिली जात असेल तर याला जबाबदार कोण.? असा प्रश्न त्या निमित्ताने उभा होतोय. त्या बँकेचे मॅनेजर राजेंद्र चव्हाण यांना याबाबत संपर्क साधला असता असे आमचे बँकेत घडणार नाही मात्र याबाबत आपण सीसीटीव्ही फुटेज पाहून काय झाले ते नक्की ठरवतो आणि पाहतो असे उत्तर दिले. महिलांना दिलेल्या या वागणुकीमुळे या बँकेतील त्या कर्मचाऱ्यांबाबत संताप आणि नाराजी सर्वत्र व्यक्त केली जात आहे. जर बँकेत कॅश मोजायची असेल तर बँकेमध्ये स्वतंत्र रूम असते मग असे असताना सुद्धा बँकेतील महिलांना का बाहेर काढले गेले याची चर्चा सध्या सर्वत्र सुरू आहे.
