चिपळूण – रत्नागिरी जिल्ह्यातील चिपळूण जवळील सह्याद्रीच्या कुशीत रंगलेल्या अत्यंत रोमहर्षक आणि चित्तथरारक, प्रतिष्ठेच्या आव्हानात्मक ‘किंग ऑफ कुंभार्ली 2026’ या चिपळूण सायकलिंग क्लब आयोजित राष्ट्रीय सायकलिंग स्पर्धेत पुरुषांमध्ये ईश्वर पाटील याने ‘कुंभार्ली घाटाचा राजा’ हा मानाचा किताब पटकावला. तर तर महिलांमध्ये पुण्याची श्रावणी परिट तिने प्रथम क्रमांक पटकावला.
स्पर्धेत यंदा जवळपास 400 स्पर्धक देशाच्या कानाकोपऱ्यातून सहभागी झाले होते. या वर्षीच्या पर्वात अटीतटीच्या या स्पर्धा पार पडल्या. यंदाही प्रत्येक गटात तुफान चुरस पाहायला मिळाली. अवघ्या काही मिलीसेकंदांच्या फरकाने क्रमांकांमध्ये बदल दिसून आले.
सकाळी सहा वाजता सावरकर मैदान, डॉ. बाबासाहेब आंबेडकर चौक इथून साहिल डेव्हलपर्स चिपळूणचे सचिन कदम तसेच रत्नागिरी ट्रायथलीट क्लबचे संस्थापक अमित कवितके यांच्या हस्ते फ्लॅग ऑफ करून सुरू झालेली ही स्पर्धा कुंभार्ली घाट माथ्यावर संपवून, स्पर्धकांनी चिपळूणमध्ये इंदिरा गांधी सांस्कृतिक केंद्रामध्ये पारितोषिक वितरण समारंभासाठी हजेरी लावली. आमदार शेखर निकम यांच्या प्रमुख उपस्थितीत दिमाखदार सोहळ्यात बक्षीस वितरण समारंभ पार पडला.
किंग ऑफ कुंभार्ली 2026, आवृत्ती पाचवी, स्पर्धेचा गटनिहाय निकाल खालील प्रमाणे.
महिला मास्टर (३६ वर्षांवरील).
प्रथम : अंजली भलिंगे (पुणे).
द्वितीय : रुपाली गिरमकर (पिंपरी पुणे).
तृतीय : ब्लांशे थेमुडो (गोवा).
महिला एलिट (१६ ते ३५ वर्षे).
प्रथम : श्रावणी कृष्णात परिट (पुणे).
द्वितीय : योगेश्वरी महादेव कदम (सांगली).
तृतीय : श्रावणी उमेश घोडेस्वार (कोल्हापूर).
पुरुष किड्स (१० ते १७ वर्षे).
प्रथम : आर्यन सुनील मालगे (कोल्हापूर).
द्वितीय : आर्यन संदीप जाधव (पलूस).
तृतीय : साईराज तुषार भोईते (सातारा).
पुरुष ज्येष्ठ (५१ वर्षांवरील).
प्रथम : महेश किणी (ठाणे).
द्वितीय : प्रशांत तिडके (पुणे).
तृतीय : संतोष पवार (पुणे).
पुरुष मास्टर (३५ ते ५० वर्षे).
प्रथम : अनुप पवार (मुंबई).
द्वितीय : संजीव कुमार शर्मा (दिल्ली).
तृतीय : श्रधीर सागर शिरझेम (नोएडा).
पुरुष खुला गट (१८ ते ३५ वर्षे).
प्रथम : ईश्वर पाटील (धाराशिव).
द्वितीय : निहाल नदाफ (सांगली).
तृतीय : सिद्धेश पाटील (कोल्हापूर).
विजेत्यांचे आणि सहभागी सर्व स्पर्धकांचे चिपळूण सायकलिंग क्लबकडून अभिनंदन करण्यात आले.
