चिपळूण – करमणूक केंद्र अलोरे येथे शनिवार दि. १४ रोजी छत्रपती शिवाजी महाराज महाराजस्व समाधान शिबीर अभियान टप्पा -१ या कार्यक्रमाचे आयोजन करण्यात आले होते.
या शिबिरामध्ये वितरित केलेले दाखले पुढीलप्रमाणे आहेत. यामध्ये सातबारा वाटप संख्या ७२०, ८ अ वाटप संख्या २४५, मंजूर फेरफार संख्या २४ दाखले वाटप, जातींचे, NCL, उत्पन्न वय अधिवास, राष्ट्रीयत्व २५८ दाखले, आधार अपडेट २२, तुकडे बंदी नियमिती करण फेरफार ७५, सातबारामधील दुरुस्ती संदर्भात स्वीकारण्यात आलेल्या अर्जाची संख्या ४०, संजय गांधी योजना मंजूर लाभार्थी १०, पुरवठा विभाग येथील प्रकरणे नांव कमी करणे १४, नाव वाढविणे १६, नवीन अंत्योदय शिधापत्रिका ११ अशी प्रकरणे निकाली निघाली. कृषी विभागामार्फत कृषी अवजारे वाटप व महाविस्तार ऍप नोंदणी ५०, अग्रीस्ट्रॅक नोंदणी २, पीएम किसान ५ प्रकरणे, तसेच आयुष्यमान भारत कार्डचे ६४ लाभार्थी यांची ईकेवायसी करण्यात आली. पंचायत समिती विभाग- जन्म दाखले १०, विवाह प्रमाण पत्र ५, असेसमेंट उतारा १० तर आरोग्य तपासणी विभाग यांच्या वतीने ७४ लाभार्थी यांची शुगर, बीपी अशी आरोग्य तपासणी करण्यात आली. त्यानंतर आयुष्यमान भारत कार्ड ६४ व वय वंदन कार्ड १०६ दिले. भूमी अभिलेख ई मोजणी, ई- नकाशा तसेच प्रॉपर्टी कार्ड वारस तपास संदर्भात तसेच सहकार विभागने सहकारी संस्था व त्यांचे योजनांबाबत मार्गदर्शन केले. या शिबिरात उत्तम प्रकारे सेवा देण्यात आली आहे. या कार्यकमाला पंचायत समितीचे सभापती सुर्यकांत खेतले, जिल्हा परिषद सदस्या सौ नेहा रहाटे, सौ. विनया झगडे, पंचायत समिती सदस्य विनोद झगडे, सौ स्नेह साळवी, चिपळूण तहसीलदार प्रवीण लोकरे, शिरगाव मंडळ मधील सर्व ग्रामपंचायत सरपंच, पोलीस पाटील व प्रशासकीय विभागाचे अधिकारी, कर्मचारी, ग्रामस्थ, शेतकरी उपस्थित होते.
