चिपळूण – चिपळूण तालुक्यातील सावर्डे येथील पोलीस उपनिरीक्षक यांच्या सांगण्यावरून त्यांच्या सहकाऱ्याला 15000 रुपयाची लाच घेताना रंगेहात पकडल्याने पोलीस प्रशासनात एकच खळबळ उडाली आहे.
सावर्डे पोलीस स्टेशन येथे मयताचे वारसदार यांना विमा रक्कम मिळणेकरीता क्लेम ट्रिब्युनल कोर्टात दावा दाखल करणेकरीता अपघातातील वाहनाचा आरटीओ तपासणी अहवाल व डीओआर फॉर्म देण्यासाठी पोलीस उपनिरीक्षक मनिष कांबळे यांनी २५०००/- रुपयांचे लाच रक्कमेची मागणी केली होती. त्याबाबत तक्रारदार यांनी दि. २३/०२/२०२६ रोजी लेखी तक्रार दिली. तक्रारदार यांनी दिलेल्या तकारीचे अनुषंगाने दि. २३/०२/२०२६ रोजी दोन पंचासमक्ष पडताळणी केली असता आरोपी मनिष कांबळे यांनी तक्रारदार यांना वरील कागदपत्रे देण्यासाठी तडजोडी अंती १५०००/- रुपये लाच रक्कमेची मागणी करुन ती लाच रक्कम खाजगी इसम अभिजित प्रकाश शिर्के, चिपळुण यांचकडे देण्याबाबत तकारदार यांना फोनद्वारे सांगितले. मनिष कांबळे यांनी सांगितले प्रमाणे तकारदार यांनी खाजगी इसम अभिजित प्रकाश शिर्के यांचे चिपळुण पोलीस स्टेशन जवळ असलेल्या सोमेश्वर जनरल स्टोअर्स या दुकानात जावुन त्यांची भेट घेतली. त्यावेळी खाजगी इसम शिर्के यांनी त्यांचे फोनद्वारे मनिष कांबळे यांना संपर्क साधला त्यांचे दोघात बोलणे झाल्यानंतर अभिजित शिर्के यांनी तक्रारदार यांचेकडे फोन दिला असता मनिष कांबळे यांनी लाच रक्कम अभिजित शिर्के यांचेकडे देण्यास तकारदार यांना सांगितले त्याप्रमाणे तक्रारदार यांनी लाच रक्कम १५,०००/-रुपये ही खाजगी इसम यांचेकडे पंचासमक्ष दिली. ती लाच रक्कम खाजगी इसम यांनी लोकसेवक यांचे सांगणेवरुन मनीष कांबळे यांचेकरीता व स्वतःचे आर्थिक फायदयाच्या उद्देशाने तकारदार यांचेकडुन पंचासमक्ष स्विकारली म्हणुन अभिजित शिर्के यांना पंचासमक्ष लाच रक्कमेसह पुढील कारवाईसाठी ताब्यात घेण्यात आले आहे. गुन्हा नोंद करण्याची प्रक्रिया चालु आहे. ही कारवाई शिवराज पाटील, पोलीस अधीक्षक, लाचलुचपत प्रतिबंधक विभाग, ठाणे परीक्षेत्र, ठाणे, भागवत,सोनावणे, अपर पोलीस अधीक्षक, लाचलुचपत प्रतिबंधक विभाग, ठाणे परीक्षेत्र, ठाणे यांचे मार्गदर्शनाखाली अविनाश पाटील, पोलीस उपअधीक्षक, लाचलुचपत प्रतिबंधक विभाग, रत्नागिरी यांचे पर्यवेक्षणाखाली पोलीस निरीक्षक मच्छिंद्र जाधव, पोलीस निरीक्षक सुहास रोकडे, उदय चांदणे, पोलीस संजय वाघाटे, विशाल नलावडे, दिपक आंबेकर, राजेश गावकर, हेमंत पवार, वैशाली धनवडे, लाचलुचपत प्रतिबंधक विभाग रत्नागिरी यांनी केली आहे.
