गुहागर – गुहागर तालुक्यातील अंजनवेल येथे केंद्रीय औद्योगिक सुरक्षा दल (सीआयएसएफ) आयोजित “वंदे मातरम कोस्टल सायक्लोथॉन”चे जल्लोषात स्वागत करण्यात आले. यावेळी अंजनवेल जिल्हा परिषद शाळेतील विद्यार्थ्यांनी लेझीम नृत्याने तसेच महिलांनी पुष्पांजली करून तसेच “वंदे मातरम”…”भारत माते की जय”च्या घोषणा देत उत्फूर्तपणे स्वागत करण्यात आले. “सुरक्षित तट आणि समृद्ध भारत” हे ब्रीदवाक्य घेऊन निघालेल्या या सायक्लोथॉनद्वारे राष्ट्रीय एकता फिटनेस आणि कोस्टल सुरक्षेचा सशक्त संदेश देण्यात आला.
अंजनवेल येथील भारतरत्न अटल बिहारी वाजपेयी जिल्हा परिषद आदर्श आंतरराष्ट्रीय शाळेमध्ये हा स्वागत कार्यक्रम पार पडला. यावेळी सर्व सायकलपटूंचे महिलांनी आरती ओवाळून तसेच पुष्पांजली करून दिमाखदारपणे स्वागत केले. यावेळी अंजनवेल येथील शाळां नंबर २ च्या विद्यार्थ्यांनी महाराष्ट्र संस्कृतीचे दर्शन घडवणाऱ्या मंगला गौर गीत सादर केले. बालभारती पब्लिक स्कूलच्या विद्यार्थ्यांनी देशभक्तीपर गीत सादर केले. सीआरएसएफच्या जवानांनी समाज प्रबोधनात्मक नाटिका सादर केली, यावेळी उपस्थित मान्यवरांना रोपटे भेट देऊन सन्मान करण्यात आला. यावेळी सर्व सायकलपटूंचा अंजनवेल ग्रामपंचायत व आरजीपीपीएल कंपनी तसेच पंचक्रोशीतील ग्रामस्थांच्या वतीने विशेष गौरव करण्यात आला. या निमित्ताने आयोजित केलेल्या क्रीडा स्पर्धांतील सर्व विजेत्यांना सन्मानचिन्ह देऊन गौरवण्यात आले. या कार्यक्रमासाठी यावेळी अंजनवेल गावच्या सरपंच सोनल मोरे, माजी सरपंच यशवंत बाईत, मच्छीमार समाजाचे नेते व मच्छीमार सोसायटी चेअरमन विठ्ठल भालेकर, गुहागर नगरपंचायतचे मुख्य कार्यकारी अधिकारी स्वप्निल चव्हाण, शाळा व्यवस्थापन समिती अध्यक्ष विजय मिशाल, शिवराम भुवड, ग्रामपंचायत सदस्य योगेश धामणस्कर, नंदकुमार खेतले, सुवर्णा सैतवडेकर, आरजीपीपीएल कंपनीचे एजीम सलीम, एचआर.एजीएम स्नेहाशीष भट्टाचार्य, सीनियर कमांडंट भास्कर कुमार,सायक्लोथॉनचे इन्चार्ज डेप्युटी कमांडंट संदीप चक्रवर्ती, आरजीपीपीएल सीआरएसएफचे डेप्युटी कमांडंट सोनू शर्मा,केंद्रप्रमुख प्रभू हंबर्डे, महसूल मंडळ अधिकारी प्रीती रेवाळे, कानिटकर, शाळेचे मुख्याध्यापक निलेश खामकर, शिक्षक सुकन्या खामकर, महेश आंधळे, रत्नमाला बागल यांच्यासह पंचक्रोशीतील ग्रामस्थ, सीआयएसएफचे जवान उपस्थित होते. तसेच अंजनवेल येथील शाळेतील सर्व विद्यार्थी, आरजीपीपीएल कंपनीचे अधिकारी ,कर्मचारी तसेच सीआरएसएफचे जवान व पंचक्रोशीतील नागरिक उपस्थित होते.
