गुहागर – गुहागर तालुक्यात जिल्हा परिषद व पंचायत समिती निवडणुकीत भाजप-शिवसेना युतीने आपले वर्चस्व निर्माण केले. १० पैकी ९ पंचायत समिती जागांवर भाजप-शिवसेना युतीने घवघवीत यश मिळवून आपली सत्ता काबीज केली आहे. तर जिल्हा परिषद निवडणूकित युतीच्या माध्यमातून ५ पैकी ३ जागांवर विजय मिळवला आहे.
जिल्हा परिषद निवडणुकीमध्ये गुहागर तालुक्यातून असगोली जिल्हा परिषद गटातून विक्रांत जाधव (उद्धव बाळासाहेब ठाकरे) यांनी संतोष जैतापकर (शिवसेना) यांचा १ हजार ९९३ मतांनी पराभव केला. शृंगारतळी जिल्हा परिषद गटातून प्रमोद गांधी (मनसे) यांनी डॉ. राजेंद्र पवार (भाजप) यांचा २ हजार १७१ मतांनी पराभव केला. कोंडकारूळ जिल्हा परिषद गटातून अपूर्वा बारगोडे (भाजप) यांनी मानसी घाणेकर (उद्धव बाळासाहेब ठाकरे) १ हजार १३१ मतांनी पराभव केला. वेळणेश्वर जिल्हा परिषद गटातून नेत्रा ठाकूर (शिवसेना) यांनी सिद्धी रामगडे (उद्धव बाळासाहेब ठाकरे) यांचा ४ हजार २१७ मतांनी पराभव केला. पडवे जिल्हा परिषद गटातून महेश नाटेकर (शिवसेना) यांनी सचिन बाईत (उद्धव बाळासाहेब ठाकरे) यांचा ३६१ मतांनी पराभव केला. पंचायत समिती निवडणुकीत भाजप-शिवसेना युतीने एकहाती सत्ता मिळवून आपले वर्चस्व सिद्ध केले आहे.
पंचायत समिती निवडणुकीत भाजप- शिवसेना युतीने ५ पैकी ३ जागांवर विजय मिळवला आहे. यामध्ये भाजपने १ जागेवर तर शिवसेनेने २ जागांवर विजय संपादन केला.उबाठाने १ व मनसेने १ जागेवर विजय मिळवला. अंजनवेल पंचायत समिती गणातून सारिका दाभोळकर (शिवसेना) यांनी प्राजक्ता जांभारकर (उद्धव बाळासाहेब ठाकरे) यांचा ३४९ मतांनी पराभव केला. असगोली पंचायत समिती गणातून उर्वी खैर (उद्धव बाळासाहेब ठाकरे) यांनी पूनम रावणंग (शिवसेना) यांचा २ हजार २८९ मतांनी पराभव केला. तळवली पंचायत समिती गणातून मंगेश जोशी (भाजप) यांनी संदीप धनावडे (.उद्धव बाळासाहेब ठाकरे ) यांचा ३११ मतांनी पराभव केला. शृंगारतळी पंचायत समिती गणातून गौरव वेल्हाळ (शिवसेना) यांनी संजय पवार (उबाठा) यांचा ९०५ मतांनी पराभव केला. मळण पंचायत समिती गणातून मानसी रांगळे (भाजप) यांनी साक्षी चव्हाण (उबाठा) यांचा ७८ मतांनी पराभव केला. कोंडकारूळ पंचायत समिती गणातून प्रणव पोळेकर (शिवसेना) यांनी महेश गोवळकर (उबाठा) यांचा १ हजार ४४९ मतांनी पराभव केला. वेळणेश्वर पंचायत समिती गणातून संदीप गोरीवले(शिवसेना) यांनी सचिन जाधव (उबाठा) यांचा १ हजार ७८१ मतांनी पराभव केला. शीर पंचायत समिती गणातून स्नेहा शिगवण (भाजप) यांनी ॲड. जोस्ना काताळकर (उबाठा) यांचा १ हजार २१९ मतांनी पराभव केला. पडवे पंचायत समिती गणातून निलेश सुर्वे(भाजप) यांनी रविंद्र आंबेकर (उबाठा) यांचा ९९७ मतांनी पराभव केला.तर पाचेरी सडा पंचायत समिती गणातून सुचिता घाणेकर (शिवसेना) यांनी शशिकला मोरे(उबाठा) यांचा १६२ मतांनी पराभव केला. जिल्हा परिषद निवडणुकीत मनसेने प्रथमच आपले खाते उघडले आहे.
