गुहागर – गुहागर तालुक्यातील चिखली येथे पाळीव प्राणी, गुरे – ढोरे, शेळ्या – मेंढया यांचा उपबाजार कार्यक्रम प्रथमच भरवण्यात येणार असून यांचे उदघाटन सोहळा 05 जानेवारी 2026 रोजी सकाळी 11:00 वाजता आयोजित करण्यात आला असून या उदघाटन सोहळ्याला पालकमंत्री व उद्योगमंत्री नाम. उदय सामंत यांची प्रमुख उपस्थितीत आमदार भास्कर जाधव यांचे शुभ हस्ते या उपबाजाराचे उदघाटन होणार आहे.
गुरे – ढोरे, शेळ्या – मेंढ्या यांच्या उपबाजार उदघाटन सोहळ्यास गुहागर तालुक्यातील शेतकरी जनतेने बहुसंख्येने उपस्थित राहावे असे जाहीर आवाहन रत्नागिरी जिल्हा कृषी उत्पन्न बाजार समिती रत्नागिरीचे सभापती संदीप सुर्वे, संचालक गजानन पाटील, यांनी केले आहे.या भव्य दिव्य सोहळ्याचे अध्यक्षस्थान गुहागर विधानसभा मतदारसंघाचे माजी आमदार डॉ. विनय नातू भूषवणार असून सहकारी संस्था रत्नागिरीचे जिल्हा उपनिबंधक डॉ. सोपानराव शिंदे, बाजार समिती सभापती आणि कार्यक्रमाचे स्वागताध्यक्ष संदीप सुर्वे, गुहागरच्या नगराध्यक्ष सौ. नीता मालप, माजी नगराध्यक्ष राजेश बेंडल, गुहागर तालुका खरेदी विक्री संघाचे अध्यक्ष डॉ. श्रीकांत महाजन आदी. मान्यवर उपस्थित राहणार आहेत. तसेच अरविंद आंब्रे, सुरेश सावंत, मधुकर दळवी, सुरेश कांबळे, हेमचंद्र माने, स्नेहल बाईत, स्मिता दळवी, विजय टाकळे, नैनेश नारकर, रोहित मयेकर, ओंकार कोलते, प्रशांत शिंदे, सचिव पांडुरंग कदम, चिखली ग्रामपंचायत सरपंच मानसी मंगेश कदम, उपसरपंच सुभाष दळवी, पराग जोगळे, सदस्य विजय गमरे, सदस्या साक्षी साळवी, निलम गमरे, मधुरा सोलकर, निधी गांगण, मधुरा गोयथळे यांनी प्रसिद्धी पत्रकाद्वारे केले आहे.
