गुहागर – वर्षाच्या अखेरीस काही दिवस उरले असतानाच गुहागर फिरण्यासाठी आलेले काही पर्यटक समुद्रात पोहण्यासाठी उतरले असताना त्यातील तीन पर्यटकांना बुडताना स्थानिक नागरिकांनी प्रसंगावधान राखत वाचविले. मात्र एक जण हा गंभीर अवस्थेत रुग्णाला दाखल केला असताना उपचारा आधीच त्याचा मृत्यू झाला.
शिलाई मशिनच्या नावाने शेकडो महिलांना गंडा घालणाऱ्या त्या ठगास अटक
गुहागर समुद्रकिनारी मुंबई येथील काही पर्यटक पर्यटनासाठी आलेले असताना समुद्रामध्ये आंघोळ करत होते त्याचवेळी अचानक आलेल्या जोरदार लाटांमुळे हे पर्यटक समुद्रात ओढले जाऊन बुडत असल्याचे स्थानिकांच्या निदर्शनास आले त्याचवेळी परिस्थितीचे गांभीर्य ओळखून स्थानिकांनी तत्काळ मदतीस धाव घेत सर्व पर्यटकांना सुरक्षितपणे बाहेर काढले.या घटनेत एक पर्यटक गंभीर जखमी झाला असून अमोल मुथिया राहणार मुंबई वय 42 यांची प्रकृती चिंताजनक असल्याचे सांगण्यात येत आहे. जखमी पर्यटकाला पुढील उपचारासाठी गुहागर शासकीय रुग्णालयात दाखल करण्यात आले असून वैद्यकीय पथकाकडून उपचार सुरू आहेत. घटनेची माहिती मिळताच पोलिसांनी घटनास्थळी धाव घेतली व पंचनामा केला. दरम्यान, समुद्रातील धोकादायक प्रवाह आणि अचानक वाढणाऱ्या लाटांमुळे पर्यटकांनी समुद्रात उतरताना विशेष खबरदारी घ्यावी, असे आवाहन प्रशासनाकडून करण्यात आले आहे.
