गुहागर – गुहागर पोलीस स्थानकाचे कर्तव्यदक्ष अधिकारी पोलीस निरीक्षक सचिन सावंत यांचा रत्नागिरी पोलीस अधीक्षक धनंजय कुलकर्णी यांच्या हस्ते प्रशस्तीपत्र देवून नुकतेच गौरविण्यात आले.
गुहागर पोलीस स्थानकाचे पोलीस निरीक्षक सचिन सावंत व त्यांच्या सहकार्याने दि. २५ डिसेंबर २०२४ रोजी गुहागर समुद्र किनारी एक तीन वर्षाचा मुलगा हरवलेल्या स्थितीत मिळून आला. त्यावेळी सर्च ऑपरेशन राबवून सदर मुलाच्या आईचा शोध घेऊन चांगली कामगिरी केली. तसेच गुहागर पोलीस ठाणे गुन्हा रजि. क्र. १००/२०२४ बी.एन.एस.३२५, ३(५) प्राण्यांचा छळ प्रति. कलम ११-१- घ.ड.च. मधील आरोपीस अटक करून मुद्देमाल जप्त करणेकामी चांगली कामगिरी केली. त्याचप्रमाणे गुहागर पोलीस ठाणे गुन्हा रजि. क्र. ९६/२०२४ वी.एन.एस. ७४,७९,मधील आरोपीस अटक करून गुन्हा उघडणीस आणनेकामी चांगली कामगिरी केली. असे अनेक गुन्हे गुहागर पोलीस ठाण्यामधील पोलीस कर्मचाऱ्यांच्या सहकार्याने उघडकीस आणले.
या प्रशंसनीय कामगिरीबद्दल संबंधित विभागाकडून प्रशस्तीपत्र प्रदान करण्यात आले. भविष्यात ज्या ज्यावेळी आवश्यकता भासेल त्या त्यावेळी आपण अशाच प्रकारे उत्तम कामगिरी बजावत रहाल व पोलीस दलाचे नाव उज्ज्वल कराल अशा आशयाचे प्रशस्तीपत्र देण्यात आले. संपूर्ण तालुक्यातून त्यांच्या कार्याबद्दल व गौरवाबद्दल अभिनंदन करण्यात येत आहे.
