खेड – रत्नागिरी जिल्ह्यातील खेड येथे काही दिवसापूर्वी ज्येष्ठ नागरिक व महिला यांना गुंगारा देत त्यांच्याकडील सोने पॉलिश करण्याच्या बहाण्याने लुटणाऱ्या आंतरराष्ट्रीय टोळीला पकडण्यात खेड पोलिसांना यश आले आंतरराष्ट्रीय टोळीतील पाच आरोपींना खेड पोलिसांनी अटक केली असून सध्या त्याचा तपास सुरू आहे.
गुहागर -चिपळूण मार्गावरील या कामामुळे आम्हाला खूपच आनंद झाला….. आम्ही असेच वागणार..
खेड येथील आपल्या घरातील अंगणात उभ्या असताना एक अनोळखी इसम त्यांच्या घराच्या दरवाज्यावर येवून म्हणाला की, “तुम्हाला सोने-चांदी पॉलिश कारायची आहे का? मी तुम्हाला ते करुन देतो, माझ्याकडे एक पावडर आहे.” या ज्येष्ठ नागरिक महिला आधी सोने-चांदी पॉलिश करून घेण्यास तयार नव्हत्या. परंतु या इसमाने अधिक जोर देऊन घरातील इतर चांदीच्या वस्तु असल्यास त्या पॉलिश करून देतो असे सांगितल्यावरुन त्यांनी आपल्याकडील एक चांदीची वाटी पॉलिश करण्याकरीता दिली. या नंतर त्या इसमाने या ज्येष्ठ नागरिक महिलेच्या हातामध्ये कोणते तरी पांढऱ्या रंगाचे खडे दिले आणि त्याचा वास त्यांना घेण्यास सांगून घरातून पळून हळद आण्याकरीता सांगीतले व त्याचे एक मिश्रण तयार केले व त्यांच्या हातामधील सोन्याच्या बांगडया व पाटल्या मागीतल्या व या मिश्रणात टाकून या ज्येष्ठ नागरिक महिलेच्या नाव-गाव बाबत विचारणा केली. या दरम्यान दूसरा एक अनोळखी इसम घरात आला व त्याने उजाला पावडर नावाची सोने-चांदी व पितळी भांडी पॉलिश करून देण्याची कपंनी असल्याचे सांगून लागलीच तेथून निघून गेला. थोड्या वेळाने या इसमाने त्यांना घरातून पाणी आणण्यास सांगीतले व घरातून पाणी आणेपर्यंत सदर अनोळखी इसम हा तेथून आपल्या ₹4,80,000/- इतक्या किमतीच्या 4 सोन्याच्या बांगडया व 2 सोन्याच्या पाटल्या घेऊन पळून गेला असल्याचे या ज्येष्ठ नागरिक महिलेच्या लक्षात आले.फसवणूक झालेल्या या ज्येष्ठ नागरिक महिलेने दिल्या फिर्यादी वरून खेड पोलीस ठाणे येथे गुन्हा दाखल करण्यात आला होता.
पोलीस अधीक्षक रत्नागिरी यांच्या मार्गदर्शनाखाली खेड पोलीस ठाणे येथील प्रभारी अधिकारी पोलीस निरीक्षक नितीन भोयर हे आपल्या पथकासह या गुन्ह्याचा तपास करत होते व त्यांच्या पथका मार्फत या गुन्ह्यामध्ये जुन्या प्राप्त माहितीच्या व गोपनीय माहितीच्या आधारे तपास करून तसेच तांत्रिक विश्लेषण करून आरोपी यांना मनमाड तालुका नांदगाव, जिल्हा नाशिक येथून ताब्यात घेण्यात आलेले आहे.
तसेच आता पर्यंत झाल्या तपासामध्ये या सोने पॉलिश टोळीने महाराष्ट्रातील 8 जिल्ह्यात एकूण 21 महिलांची अश्या प्रकारे सोने चांदी पॉलिश करून देतो सांगून गुन्हे केल्याचे निष्पन्न झाले आहे ज्यामध्ये प्रामुख्याने नाशिक, पुणे, रत्नागिरी, कोल्हापूर, सातारा, अहमदनगर, जालना व संभाजी नगर या जिल्ह्यांचा समावेश आहे. यातील हे सर्व आरोपी परराज्यातील असून त्यांची नावे पुढीलप्रमाणे
मोहंमद सुबेर इम्रान शेख, साजिद लाडू साह, मोहंमद आबिद इल्यास शेख, महमद जुबेर फती आलंम शेख, (सर्व राहणार तुळसिपुर जमुनिया जिल्हा भागलपूर, राज्य बिहार) तसेच
नंदकुमार श्रीरंग माने मनमाड शिवाजी चौक तालुका नांदगाव जिल्हा नाशिक येथील आहेत. ही धडाकेबाज कारवाई खेड पोलीस निरीक्षक नितीन भोयर यांच्या मार्गदर्शनाखाली पो.उनि रोहीदास केंद्रे,अजय कडू, वैभव ओहोळ, रमिज शेख आदींनी पार पडली त्यामुळे त्यांच्या सर्वत्र कौतुक करण्यात येत आहे.
