चिपळूण – वाशिष्ठी मिल्क ॲण्ड मिल्क प्रॉडक्टस् या दुग्धप्रकल्पाअंतर्गत वाशिष्ठी पंचक्रोशी दूध उत्पादक सहकारी संस्था मर्यादित पिंपळी खुर्द, चिपळूणच्या मालघर येथील दूध संकलन केंद्राचा शुक्रवारी सकाळी शानदार शुभारंभ करण्यात आला.
वाशिष्ठी मिल्क ॲण्ड मिल्क प्रॉडक्टस् या दुग्धप्रकल्पाचे काम अंतिम टप्प्यात आहे. दरम्यान या प्रकल्पांतर्गत दूध संकलनासाठी ठिकठिकाणी संकलन केंद्र सुरू करण्याचा मानस प्रकल्पाच्या संचालकांचा आहे. या अंतर्गत पहिल्या दूध संकलन केंद्राचे चिपळूण तालुक्यातील मालघर येथे शुक्रवारी शानदार उद्घाटन झाले. परिसरात दूध संकलन केंद्र सुरू झाल्याने शेतकऱ्यांना मोठा आधार मिळणार आहे. त्यामुळे शेतकऱ्यांनी वाशिष्ठी पंचक्रोशी दूध उत्पादक सहकारी संस्थेला धन्यवाद दिले. मालघर येथील दूध संकलन केंद्रात गाय आणि म्हैस यांचे प्रत्येकी एक हजार लिटर दूध संकलन करण्याची क्षमता आहे. टप्प्याटप्प्याने ठिकठिकाणी असे दूध संकलन केंद्र सुरू करण्यात येणार आहे. जेणेकरून शेतकऱ्यांना वाशिष्ठी डेअरीसाठी दुधाचा पुरवठा करणे सुकर होणार आहे. मालघरमधील दूध संकलन केंद्राच्या शुभारंभावेळी चिपळूण नागरी सहकारी पतसंस्थेच्या मुख्य कार्यकारी अधिकारी व वाशिष्ठी मिल्क ॲण्ड मिल्क प्रॉडक्टस् या प्रकल्पाच्या संचालिका सौ. स्वप्ना प्रशांत यादव, महेंद्र खेतले, अविनाश गुडेकर, प्रशांत वाजे, कु. स्वामिनी यादव, प्रकल्पाचे व्यवस्थापक प्रदीप मगदूम, तसेच गणपत तटकरे, रमेश ठसाळे, सखाराम किलजे, सुनील वाजे, सुनील टेरवकर, वैभव पवार, गंगाराम महाडिक, विजय वाजे, धनंजय किलजे, नंदू किलजे, अजय वाजे, संजय मिरगल, महेश किलजे, किशोर, ठसाळे, प्रभाकर तटकरे, महेश किलजे, सुनील तांबडे, संदीप खेडेकर, प्रमोद ठसाळे, मानसी विजय वाजे, वासंती विजय घोले, सायली सुनील वाजे, शामल शाम वाजे, वैष्णवी विजय चिले, सुविधा सुरेश वाजे, सरिता सिताराम घोले, सुप्रिया सदाशिव चिले आदी उपस्थित होते.
