गुहागर – गुहागर तालुक्यातील रानवी -शुंगारतळी मार्गावर मारुती व्हॅन मध्ये वाहतूक होत असलेली एक लाख 90 हजार 750 रुपयांची गावठी दारू गुहागर पोलिसांनी पकडली या कारवाई एकाला अटक करण्यात आली आहे.
रानवी -शुंगारतळी या भागात गावठी दारूची वाहतूक होत असल्याची माहिती पोलिसांनी मिळताच गुहागर पोलिसांनी या मार्गावर नजर ठेवत ही दारू वाहतूक करणारी व्हॅन पकडली आहे.पोलिसांनी टाकलेल्या धाडीत गावठी हातभट्टीची दारु व व्हॅन जप्त करण्यात आली या प्रकरणी विजय जाधव यांच्यावर पोलीस स्थानकात गुन्हा दाखल करण्यात आला आहे. ही कारवाई गुहागरचे पोलीस निरीक्षक अरविंद बोडके यांच्या मार्गदर्शनाखाली सहाय्यक पोलीस निरीक्षक बी.के. जाधव ,डि.के. साळवी,आर. एल.कांबळे ,एस. एस. पाटील ,डिव्ही नारकर यांनी केली. ही गावठी दारूची वाहतूक मार्गताम्हणे येथून करण्यात येत होती याबाबत अधिक तपास गुहागर पोलीस करत आहेत.
