गुहागर – रत्नागिरी जिल्ह्यात कोरोनाचा प्रादुर्भाव वाढत असताना आता गुहागर तालुक्यातील गुहागर एसटी आगाराचे दोन कर्मचारी हे पाॅझिटिव्ह आढळुन आल्याने चालक -वाहक- कर्मचारी यांच्यात खळबळ उडाली आहे.
गणेशोत्सवासाठी चाकरमानी आणण्यासाठी नियोजन सुरु असतानाच ही घटना घडल्याने चालक -वाहक धास्तावले आहेत. गणेशोत्सवात चाकरमानी यांना आणणे सोडणे याचे नियोजन सुरु असतानाच एक चालक व एक लिपिक पाॅझिटिव्ह आढळुन आल्याने खळबळ उडाली आहे. एसटीने सर्व सुरक्षा नियम पाळुन प्रवाशांच्या सेवेसाठी हे ब्रीदवाक्य जपले. गुहागर आगारातील चालक वाहकांनी मुंबईत जावून परप्रांतियांना त्या त्या जिल्ह्यात जावून सोडण्यात कोविड योद्याची भुमिकाही निभावलेली आहे. गुहागर शहरात गेल्या 4 महिन्यात पाॅझिटिव्ह रुग्ण आढळुन आले नव्हते माञ 1 ऑगस्ट पासून या शहरात रोजच पॉझिटिव्ह रुग्ण सापडत आहेत. त्यातच गुहागरचे हे दोन कर्मचारी पॉझिटिव्ह निघाल्याने चालक ,वाहक,कर्मचारी यांच्यात संभम्रावस्था निर्माण झाली आहे. यासाठी सर्वांनीच योग्य ती काळजी घेणे गरजेचे बनले आहे.
गुहागर आगरातून रोज 23 फेऱ्या सुटत असुन त्यासाठी 46 चालक -वाहक यांची गरज लागते तर रोज दोन शिफ्टमध्ये या आगारात मॅकेनिकल काम करत आहेत. त्याच बरोबर या गुहागर आगाराच्या 4 बस रत्नागिरी येथे तर 4 बस चिपळूण येथे वस्तीला जातात.
