चिपळूण : भाजपचे प्रदेशाध्यक्ष तथा आमदार रविंद्र चव्हाण यांनी चिपळूण येथील भाजपच्या जनसंपर्क कार्यालयाला सदिच्छा भेट दिली. या भेटीवेळी पक्षाच्या स्थानिक पदाधिकारी व कार्यकर्त्यांनी त्यांचे उत्स्फूर्त स्वागत केले.
भाजप रत्नागिरी दक्षिण जिल्हाध्यक्ष प्रशांत यादव आणि विशेष निमंत्रित सदस्य सौ. स्वप्ना यादव यांनी रविंद्र चव्हाण यांचे स्वागत केले. यावेळी पक्षाच्या संघटनात्मक कामकाजासह स्थानिक पातळीवरील विविध विषयांवर पदाधिकारी व कार्यकर्त्यांशी संवाद साधण्यात आला.या प्रसंगी जिल्हा उपाध्यक्ष बळीराम मोरे, जिल्हा सरचिटणीस स्वानंद रानडे, सुप्रिया उतेकर, जिल्हा चिटणीस ॲड. नयना पवार, योगेश शिर्के, अनिल सावर्डेकर, चिपळूण ग्रामीण मंडल अध्यक्ष विनोद भुरण यांच्यासह जिल्हा व मंडल स्तरावरील पदाधिकारी उपस्थित होते. तसेच जिल्हा परिषद सदस्य दीप्ती महाडिक, पंचायत समिती सदस्य सायली वाजे, सुप्रिया देवरुखकर, नगरसेविका रसिका देवळेकर, वैशाली निमकर, अंजली कदम, नगरसेवक संदीप भिसे, शुभम पिसे, नगरसेविका शीतल रानडे, चिपळूण शहर मंडल प्रभारी विजय चितळे, चिपळूण ग्रामीण महिला मोर्चा अध्यक्ष आदिती गुडेकर यांच्यासह चिपळूण शहर व ग्रामीण मंडलातील प्रमुख पदाधिकारी, लोकप्रतिनिधी, आजी-माजी पदाधिकारी आणि कार्यकर्ते मोठ्या संख्येने उपस्थित होते. प्रदेशाध्यक्षांच्या या भेटीमुळे स्थानिक भाजप पदाधिकारी व कार्यकर्त्यांमध्ये उत्साहाचे वातावरण निर्माण झाले.
