रत्नागिरी -सामाजिक कार्य आणि औद्योगिक क्षेत्र या दोन्ही आघाड्यांवर उल्लेखनीय कामगिरी करत स्कॉन प्रो फाउंडेशनचे व्यवस्थापकीय संचालक निलेश चव्हाण यांनी दुहेरी यश संपादन करत जिल्ह्याचा नावलौकिक उंचावला आहे. अवघ्या ८ तासांत ८९२ गरजूंना कृत्रिम अवयव बसविण्याचा विक्रम घडवत त्यांनी गिनीज बुक ऑफ वर्ल्ड रेकॉर्डमध्ये स्थान मिळविले, तर त्यांच्या नेतृत्वाखालील स्कॉन प्रोजेक्ट्स प्रा. लि. या कंपनीला औद्योगिक बांधकाम क्षेत्रात तीन प्रतिष्ठित राष्ट्रीय पुरस्कारांनी गौरविण्यात आले आहे.
स्कॉन प्रो फाउंडेशन, भारत विकास परिषद आणि ढोले पाटील एज्युकेशन सोसायटी, पुणे यांच्या संयुक्त विद्यमाने हा विक्रमी उपक्रम राबविण्यात आला. या उपक्रमात अवघ्या आठ तासांत तब्बल ८९२ गरजूंना कृत्रिम अवयव बसविण्यात आले. या ऐतिहासिक कामगिरीची दखल घेत गिनीज बुक ऑफ वर्ल्ड रेकॉर्डने अधिकृत नोंद करून संबंधित संस्थांना प्रमाणपत्र देऊन सन्मानित केले आहे. त्यामुळे रत्नागिरी जिल्ह्याच्या शिरपेचात मानाचा तुरा खोवला गेला आहे. अपंगत्वामुळे परावलंबी जीवन जगणाऱ्या व्यक्तींना स्वाभिमानाने उभे करण्याच्या उद्देशाने हा उपक्रम राबविण्यात आला. भारत विकास परिषद, पुणे यांनी लाभार्थ्यांच्या शरीररचनेनुसार अचूक माप घेऊन वापरण्यास सोयीस्कर असे कृत्रिम अवयव तयार केले. ढोले पाटील एज्युकेशन सोसायटीने या उपक्रमासाठी आवश्यक प्रशस्त जागा व सुविधा उपलब्ध करून दिल्या. तर लाभार्थ्यांना त्यांच्या गावांमधून पुण्यापर्यंत आणणे, त्यांच्या नातेवाईकांची निवास व भोजन व्यवस्था करणे तसेच उपचारानंतर सुरक्षितपणे परत पाठविण्याची संपूर्ण जबाबदारी स्कॉन प्रो फाउंडेशनने यशस्वीपणे पार पाडली.
निलेश चव्हाण हे रत्नागिरी जिल्ह्यातील चिपळूण तालुक्यातील मार्गताम्हाणे गावचे सुपुत्र असून त्यांच्या संकल्पनेतून आणि नेतृत्वाखाली हा उपक्रम साकार झाला. यापूर्वीही त्यांच्या पुढाकारातून चिपळूण व गुहागर तालुक्यात कृत्रिम अवयव वितरण शिबीर आयोजित करण्यात आले होते. या शिबिरात १७८ लाभार्थ्यांना कृत्रिम अवयव बसवून त्यांना परावलंबी जीवनातून मुक्त करून स्वाभिमानाने जगण्याची संधी देण्यात आली होती. औद्योगिक क्षेत्रातही स्कॉन प्रोजेक्ट्स प्रा. लि. ने देशभरात आपली ठोस ओळख निर्माण केली आहे. औद्योगिक इमारती, उत्पादन प्रकल्प, लॉजिस्टिक पार्क आणि मोठ्या औद्योगिक संकुलांच्या बांधकामात कंपनीने गुणवत्ता, सुरक्षितता, वेळेचे काटेकोर पालन आणि ग्राहकांचा विश्वास या तत्त्वांवर आधारित काम करत उत्कृष्ट कामगिरी बजावली आहे. या कामगिरीची दखल घेत बिल्डर असोसिएशन ऑफ इंडिया – पुणे सेंटर आयोजित WBSC Awards 2025 मध्ये हिंदुस्थान कोका कोला बेव्हरेजेस लि., लोटे (चिपळूण) आणि रिव्हाल्यू रिसायकल प्रा. लि., नाशिक या प्रकल्पांसाठी कंपनीला दोन मानाचे पुरस्कार मिळाले. तसेच IFACE – अल्ट्राटेक अवॉर्ड्स 2025 मध्ये शिरोडकर प्रिसी प्रा. लि., नाशिक या प्रकल्पासाठी एक प्रतिष्ठित पुरस्कार कंपनीला प्राप्त झाला आहे. सामाजिक बांधिलकी आणि औद्योगिक उत्कृष्टता या दोन्ही क्षेत्रांत मिळवलेल्या या दुहेरी यशामुळे निलेश चव्हाण, स्कॉन प्रो फाउंडेशन आणि स्कॉन समूहावर सर्व स्तरांतून अभिनंदनाचा वर्षाव होत
