गुहागर – गुहागर तालुक्यातील तळवली येथील प्राथमिक आरोग्य केंद्राला वंदनीय बाळासाहेब ठाकरे आरोग्य रत्न पुरस्काराने सन्मानित करण्यात आले आहे. हा पुरस्कार मुंबई येथे एका विशेष कार्यक्रमात देण्यात येणार आहे.
राज्यभरातील 34 जिल्ह्यातील प्रत्येकी एक प्राथमिक आरोग्य केंद्र या पुरस्कारासाठी निवडण्यात आले आहे. त्यामध्ये रत्नागिरी जिल्ह्यातील गुहागर तालुक्यातील तळवली प्राथमिक आरोग्य केंद्राला हा पुरस्कार जाहीर करण्यात आला. या पुरस्कारामुळे या ठिकाणी देण्यात येणारी सेवा ही सर्वोत्कृष्ट असल्याचे या पुरस्कारामधून सिद्ध झाले आहे. या पुरस्कारासाठी काही विशेष काम होती ती पाहून हा पुरस्कार देण्यात आला. त्यामध्ये तळवली प्राथमिक आरोग्य केंद्र हे प्रथम आले असून या केंद्राला हा पुरस्कार डॉक्टर सुप्रीम कांबळे यांच्या मार्गदर्शनाखाली मिळाला आहे. हा पुरस्कार मिळाल्यामुळे या प्राथमिक आरोग्य केंद्राचे वरिष्ठ अधिकारी व येथील कर्मचाऱ्यांचे सर्व स्तरातून कौतुक आणि अभिनंदन करण्यात येत आहे.
