चिपळूण – चिपळूण-गुहागर तालुका वारकरी सांप्रदायाचे वतीने रामपूर-गुढे फाटा राममंदिर येथे भव्य अखंड हरिनाम सप्ताह, सामुदायिक ज्ञानेश्वरी पारायण सोहळा दि. ९ ते १६ जानेवारी दरम्यान आयोजित केला आहे.
पहाटे ४ ते ६ काकड आरती, ६ ते ७ हरिपाठ, सकाळी ८ ते १२ सामुदायिक ज्ञानेश्वर पारायण, रात्रौ ७-३० ते ९-३० किर्तन सोहळा, महाप्रसाद, नामवंत कीर्तनकार ह.भ.प हरिदास बोराटे, ह.भ.प.चिन्मय महाराज सातारकर, ह.भ.प. भगवतीताई सातारकर, ह.भ.प. महादेव महाराज राऊत, ह.भ.प.पोपट कासार खेडेकर, ह.भ.प.अमृतनाथ जोशी, ह.भ.प. योगिराज पैठणकर, ह.भ.प.एकनाथ सदगीर या कीर्तनकारांची सेवा होणार आहे. व्यासपीठ चालक ह.भ.प. नारायण महाराज पवार, पखवाज वादक वैभव महाराज दुडे, गायक वृंद ह.भ.प.सचिन महाराज पाटील सांगली, ह.भ.प. सोमनाथ महाराज साठे पुणे, चोपदार म्हणून ह.भ.प. मधुकर निवळकर, ह.भ.प. सुधाकर गुजर काम करणार आहेत.अखंड हरिनाम सप्ताहास येणाऱ्या भाविकांची भोजन व राहण्याची व्यवस्था केलेली आहे. भक्त गणांनी या सोहळ्याचा लाभ घेण्याचे आवाहन अध्यक्ष राजाराम मोरे, सचिव प्रमोद कदम, खजिनदार प्रकाश निवळकर, अखंड हरिनाम सप्ताह संयोजन समिती चिपळूण गुहागर परिसर यांनी केले आहे.
