वाई – पुणे -बंगलोर राष्ट्रीय महामार्गावरील आनेवाडी टोल नाका परिसरातील विरमाडे गावच्या हद्दीत हॉटेल महाराजासमोर बेकायदेशीर पिस्टलची विक्री होत असल्याच्या खात्रीपूर्वक माहितीवरून स्थानिक गुन्हे अन्वेषण विभागान कारवाई करून तिघांवर भुईंज पोलीसात गुन्हा दाखल केलाय. त्यांच्याकडून पाच पिस्टल आणि जिवंत काडतुसे असा सुमारे 3 लाख 27 हजाराचा ऐवज हस्तगत करण्यात आलाय.
याबाबत पोलिसांकडून मिळालेली माहिती अशी की, सातारा जिल्ह्यात बेकायदेशीर शस्त्र विक्री करणाऱ्यांवर पोलीस प्रशासन पाळत ठेवून आहे. दरम्यान वाई तालुक्यातील विरमाडे येथे पिस्टल विक्रीला काही लोक येणार असल्याची माहिती पोलिसांना मिळाली. स्थानिक गुन्हे शाखेच्या पथकान सापळा रचून हॉटेल महाराजा समोर पिस्टल विक्री करण्यासाठी आलेल्या महेंद्र प्रकाश पावरा याच्याकडून विकत घेणारे वैभव बाळासो वाघमोडे अशोक विठ्ठल कार्वे यांच्याकडून 5 देशी बनावटीची पिस्टल, 10 जिवंत काडतुसे असा सुमारे 3 लाख 27 हजारांचा ऐवज हस्तगत करण्यात आलाय. याप्रकरणी तिघांवर पोलीसात गुन्हा दाखल करण्यात आलाय. अधिक तपास पोलीस करत आहेत.
