गुहागर ; घरात कोणी नसल्याच्या संधीचा फायदा घेत गुहागर तालुक्यातील परचुरी येथे आठवीत शिकणाऱ्या १४ वर्षीय विद्यार्थिनीचा गावचे उपसरपंच असलेल्या ६५ वर्षीय इसमाने विनयभंग केल्याची घटना घडली आहे. या घटनेने तालुक्यातून संताप व्यक्त होत आहे.
परचुरी गावाचे उपसरपंच असलेले अशोक भुवड ( वय ६५ ) यांनी इयत्ता आठवीत शिकणारी १४ वर्षीय मुलगी घरात एकटी असल्याचा फायदा घेऊन तिचा विनयभंग केल्याची घटना काही दिवसांपूर्वी घडली आहे. याप्रकारणी पीडित मुलीच्या वडिलांनी गुहागर पोलीस स्थानकात तक्रार दिली आहे. पोलिसांनी या प्रकरणी उपसरपंच अशोक भुवड यांच्यावर गुन्हा दाखल केला असून घागर पोलिसांनी सदर आरोपीला ताब्यात घेतली असल्याची माहिती गुहागरचे पोलीस निरीक्षक सचिन सावंत यांनी दिली.
