दिल्ली -दिल्ली विधानसभेच्या आमदारांची नुकतीच पगारवाढ झाली आहे. गेल्या आठवड्यात पगारवाढीची सरकारी अधिसूचना मंजूर झाल्याने दिल्लीतील आमदारांना आता ६७ टक्के वेतनवाढ मिळणार आहे. १२ वर्षांनंतर ही दरवाढ करण्यात आली आहे.
आमदार आत्तापर्यंत ५४,००० रुपये कमावत असताना, त्यांना फेब्रुवारी २०२३ पासून दरमहा ९०,००० रुपये पगार दिला जाईल. मुख्यमंत्री, मंत्री, सभापती, उपसभापती, मुख्य व्हीप आणि नेते यांचे वेतन आणि भत्ते विरोधकांचं वेतनही दरमहा ७२ हजारांवरून १.७ लाख रुपये प्रति महिना झालं आहे.
दिल्ली सरकारच्या कायदा आणि न्याय विभागाने ९ मार्च रोजी आमदार आणि मंत्र्यांच्या पगार आणि भत्त्यांमध्ये वाढ करण्याबाबत अधिसूचना जारी केली. गेल्या वर्षी, दिल्ली विधानसभेने मंत्री, आमदार आणि इतरांचे वेतन आणि भत्ते ६६.६७ टक्क्यांनी वाढवण्यासाठी पाच विधेयके मंजूर केली. याला भाजपच्या आमदारांनीही पाठिंबा दिला.त्यानंतर हा प्रस्ताव राष्ट्रपतींकडे मंजुरीसाठी पाठवण्यात आला. आमदारांचे मूळ वेतन पूर्वीच्या १२,००० रुपयांवरून ३०,००० रुपये प्रति महिना करण्यात आले आहे, तर मंत्री, सभापती, उपसभापती, मुख्य व्हीप आणि विरोधी पक्षनेते यांचे वेतन पूर्वी २०,००० रुपयांवरून ६०,००० रुपये प्रति महिना करण्यात आले आहे.२०१५ मध्ये, आप सरकारने केंद्राकडे सर्व भत्त्यांसह आमदारांच्या पगारात सुमारे २.१० लाख रुपये प्रति महिना वाढ करण्याचा प्रस्ताव पाठवला होता, परंतु तो फेटाळण्यात आला.
