रत्नागिरी – मुंबई -गोवा महामार्गावरील लोटे येथील घरडा केमिकल्स मधील कामगारांची खाजगी प्रयोग शाळेत तपासणी केली असता त्यात 30 जणांचे कोरोना पॉझिटिव्ह अहवाल आतापर्यंत प्राप्त झाले. त्यामुळे जिल्हयातील कोरोना पॉझिटिव्हची संख्या आता 942 झाली आहे.
रत्नागिरी दाखल एका कोव्हीड पॉझिटिव्ह रुग्णाचा आज ह्रदय विकाराच्या झटक्याने मृत्यू झाला यामुळे मृतांची संख्या 33 झाली आहे.
दरम्यान 7 रुग्णांना बरे झाल्यानंतर घरी सोडण्यात आले. बरे झालेल्यांची एकूण संख्या 634 झाली आहे. आज बरे झालेल्यांमध्ये कोव्हीड केअर सेंटर, समाज कल्याण, रत्नागिरी येथून 4 तर जिल्हा कोव्हीड रुग्णालय, रत्नागिरी 3 रुग्णांचा समावेश आहे.
ॲक्टीव्ह पॉझिटिव्ह ची संख्या 275 असून आज मौजे बसणी, साळवी स्टॉप परिसर हे क्षेत्र कोरोनाबाधित क्षेत्र म्हणून घोषित करण्यात आले आहेत.
त्यामुळे आता जिल्ह्यातील स्थिती
एकूण पॉझिटिव्ह – 942
बरे झालेले – 634
मृत्यू – 33
एकूण ॲक्टीव्ह पॉझिटिव्ह – 275
तर जिल्ह्यात ॲक्टीव्ह कन्टेंनमेन्ट झोन
78 ॲक्टीव्ह कन्टेन्मेंट झोन असून रत्नागिरी तालुक्यात 21 गावांमध्ये, दापोली मध्ये 8 गावांमध्ये, खेड मध्ये 18 गावांमध्ये, लांजा तालुक्यात 6, चिपळूण तालुक्यात 16 गावांमध्ये, मंडणगड तालुक्यात 3 आणि राजापूर तालुक्यात 6 गावांमध्ये कंटेन्मेंट झोन आहेत.
