चिपळूण – घोंगावत आलेल्या वादळाने एका गरीब शेतकऱ्याच्या घराला लक्ष्य केले,अवघे घर उद्धवस्त झाले,शेतकरी कुटुंबावर जणू आभाळ कोसळले,पण देवाच्या रुपात भाजप नेते प्रशांत यादव मदतीला धावले,आणि अवघ्या २४ तासात त्या घराची दुरुस्ती करून त्या गरीब कुटुंबाचा संसार आनंदाने सुरू करून दिला. .
चिपळूण तालुक्यातील डेरवण गवळवाडी येथील ओंकार जंगम हा तरुण भाजप जिल्हाध्यक्ष प्रशांत यादव यांच्या कार्यालयात कर्मचारी आहे.२३ एप्रिल रोजी तो कामावर असताना गावातील घराचे वादळात नुकसान झाल्याचा फोन आला आणि तो धावत सुटला,डेरवण गवळवाडी येथील आपल्या घरासमोर पोहचताच समोर दृश्य पाहून तो अक्षरशः कोसळलाच,वादळाने जणू सर्वच हिरावून नेले होते. घराच्या फक्त भिंती उभ्या होत्या,त्याही तडा गेलेल्या,छप्पर तर नावालाही नव्हते.संसाराची नासधूस झाली होती.काही महिन्यांपूर्वी बांधलेल्या घराची झालेली ही अवस्था ओंकार आणि त्याच्या कुटुंबाला भोवळ आणणारी ठरली होती. परंतु गरीबाच्या मागे देव उभा असतो,असे म्हणतात.तेच खरे ठरले,ओंकार जंगम ने तात्काळ प्रशांत यादव यांचे स्वीय सहाय्यक गुलजार गोलंदाजकडे संपर्क साधला,गुलजार गोलंदाज यांनी क्षणाचाही विलंब न लावता भाजप युवा मोर्चा जिल्हाध्यक्ष राहुल पवार यांना बरोबर घेऊन डेरवण गवळवाडी येथे धाव घेतली,संपूर्ण पाहणी केल्यानंतर त्यांनी प्रशांत यादव यांच्याशी संपर्क साधून संपूर्ण वस्तुस्थिती कथन केली.उद्धवस्त घराचे फोटो देखील पाठवून दिले. आपल्या कर्मचाऱ्यांच्या घराची झालेली अवस्था पाहून प्रशांत यादवही अस्वस्थ झाले,त्यांनी क्षणाचाही विलंब न लावता तात्काळ घराची दुरुस्ती सुरू करा असे जणू आदेशच दिले.इतकेच नव्हे तर कार्यालयातील अभियंता शशांक मोहिते यांच्यासह पिंपळीचे माजी सरपंच आणि प्रशांत यादव यांचे खंदे समर्थक दादा देवरुखकर यांची टीम थेट घटनास्थळी रवाना केली आणि घरदुरूस्तीच्या कामाला सुरुवात झाली.प्रशांत यादव आणि यादव कुटुंबियांच्या कामाची पद्धतच फार वेगळी,एकदा का शब्द दिला की मग माघार नाहीच,त्यामुळे कुटुंबासह बाहेरगावी असताना देखील सर्व यंत्रणा कामाला लावली आणि अवघ्या २४ तासात आपला कर्मचारी ओंकार जंगम याचे घर होते तसे करून दिले,आणि संपूर्ण जंगम कुटुंब हसत-हसत त्या घरात दाखल झाले. यावेळी देवाच्या रुपात प्रशांत यादव साहेब धावले आणि आम्ही सावरलो,अशी भावनिक प्रतिक्रिया यावेळी ओंकार व त्याच्या कुटुंबीयांनी दिली.
