गुहागर – (लक्ष्मीकांत घोणसेपाटील )- महाकाय वटवृक्ष पाहणे ही एक वृक्षप्रेमींना पर्वणीच असते. अशा वृक्षांना भेट देण्यासाठी नागरिकही उत्सुकतेने जात असतात. गुहागर तालुक्यातील असेच वटवृक्ष एका ठिकाणी आढळतात. राज्यभरातील नागरिक, वृक्ष प्रेमींचे ते लक्ष वेधून घेत आहे. काही एकरात पसरलेल्या बुदल येथील या वृक्षाचे अनेकांना मोहिनी घातली आहे.
गुहागर तालुक्यातील मौजे.बुदल येथे हे दुर्मिळ गोरखचीच वृक्ष आहेत. या गावात वेगवेगळ्या ठिकाणी ९ वृक्ष कमी-जास्त वेढीचे असून सगळ्यात ज्यास्त ११मीटर वेढीचा वृक्ष असून तो बुदल समुद्रकिनारी आहे. नुकतेच वनविभागाने या ठिकाणी पाहणी करून स्थानिक ग्रामस्थांना हे वृक्ष संरक्षण व जतन करण्यास बाबत मार्गदर्शन केले.या परिसरात परिसरात देवराई बनवले असता पर्यटकारांनी ग्रामस्थांना त्याचा नक्कीच उपयोग होईल असे येथील स्थानिक ग्रामस्थ सांगतात.
रत्नागिरी जिल्ह्यात अनेक ठिकाणी पर्यावरणीय वारसा लाभलेली ठिकाणे आहेत. त्यामधील ठिकाणांपैकी हे एक आहे. गुहागरच्या समुद्रकिनाऱ्यावर हे वृक्ष पाहणे म्हणजे निसर्गाची कमाल आहे. एक ते दीड एकर जागेत वटवृक्ष पसरलेले असून या परिसरात थंडगार वातावरण अनुभवायला मिळते. आजूबाजूचा परिसरही निसर्गरम्य आहे. हा संपूर्ण परिसर नैसर्गिकरित्या संवर्धन करून विविध वृक्षलागवड करून देवराई उभारण्यासाठी प्रयत्न होणे गरजेचे आहे. या ठिकाणी असलेला निसर्ग आणि पर्यावरणाचा वारसा येणाऱ्या पिढीला समजावा यासाठी शालेय सहलींचे वगैरे नियोजन करून या वृक्षांना भेटी दिल्या जाऊन एक निसर्गरम्य ठिकाण म्हणून उदयास येऊ शकते. अनेक वादळ अनेक संकट आले तरी हे महाकाय वटवृक्ष आजही तग धरून आहे.नुकतीच या ठिकाणच्या या वटवृक्षाला गुहागर वनखात्याचे अधिकारी अमित निमकर व त्यांच्या सहकार्याने भेट देऊन याबाबतची माहिती गोळा केली आहे.
