खेड ; खेड पोलीस ठाणे हद्दीमधील भरणे नका येथील साई रिसॉर्ट च्या जवळ काही व्यक्ति लुप्तप्राय प्रजातीच्या माशाची उलटी अर्थात अंबरग्रीसची विक्री करिता येणार आहेत अशी गुप्त बातमी मिळाली. त्यानंतर लागलीच खेड पोलीस अधिकारी आणि कर्मचारी यांनी सापळा लावला खेड पोलीस ठाणे यांचे एक पथक तयार केले व या पथकासह खेड पोलीस ठाणे हद्दीमधील भरणे नका येथील साई रिसॉर्टच्या जवळ सापळा रचला गेला.
भरणे नाका येथील साई रिसॉर्ट जवळून 3 इसमांना संशयितरित्या 2 दुचाकीवरून जाताना या पथकाने थांबविले व लागलीच त्यांची झडती घेता, त्यांच्या ताब्यात असलेल्या एका पिशवीत “लुप्तप्राय प्रजातीच्या माशाची उलटी (अंबरग्रीस)” मिळून आली.
या कारवाई मध्ये, 3 पर जिल्ह्यातील इसमांना, वन्य जीव (संरक्षण) अधिनियम 1972 चे कलम 2 (16), 39, 40 (2), 44(1), 48 (अ) (1), 49, 49 (ब), 51 व 52 प्रमाणे खेड पोलीस ठाणे येथे गुन्हा नोंद करून, 2 दुचाकी व मुद्देमालासह ताब्यात घेण्यात आले आहे. तसेच या गुन्ह्यामधील अन्य सहभागी व्यक्तींचा शोध घेण्याकरिता अधिक तपास करण्यात येत आहे.
ही कारवाई, ठाणे येथील पो.उप.निरीक्षक सुजीत सोनवणे यांनी पोलीस अधीक्षक रत्नागिरी, धनंजय कुलकर्णी यांच्या मार्गदर्शनाखाली, वनरक्षक, खवटी, खेड रानबा परशुराम बंबर्गेकर यांचे सह, मोरे, पोलीस मुख्यालय, रत्नागिटी, श्री. जोगी,. माने, जगताप ,कोटे, खेड पोलीस ठाणे. यांनी या कारवाईत भाग घेतला.
