कराड – महाराष्ट्र राज्य विद्युत मंडळामधील महापारेषण आयोजित आंतर परिमंडल् नाट्य स्पर्धा कलाविष्कार यावर्षी सातारा जिल्ह्यातील कराड येथे होणार आहे. त्याचे उद्घाटन सात डिसेंबर रोजी सकाळी दहा वाजता होणार आहे.
महापारेषण मधील राज्यभरातील कर्मचारी हे वर्षाचे 365 दिवस वीज पुरवठा सुरळीत राहावा यासाठी नियमित काम करत असतात. गेली दोन वर्ष कोरोना मध्ये सुद्धा आपल्या जीवाची परवा न करता या कर्मचाऱ्यांनी अहोरात्र मेहनत घेऊन काम केले. याच कर्मचाऱ्यांमधील अनेक कलागुणांना वाव मिळावी यासाठी दरवर्षी महापारेषण विविध कार्यक्रमांचे आयोजन करत असते. त्याच कार्यक्रमाचा एक भाग म्हणून यावर्षी राज्यस्तरीय नाट्य स्पर्धा कराड येथे आयोजित करण्यात आली आहे. या नाट्य स्पर्धेसाठी राज्यभरातील आठ परिमंडळातून महापारेषणचे कर्मचारी आणि अधिकारी सहभागी होणार आहेत. कराड येथील यशवंतराव चव्हाण स्मूर्तीसदन (टाऊन हॉल ) येथे चार दिवस या नाट्य स्पर्धेचे आयोजन करण्यात आले आहे.
या स्पर्धेचे उद्घाटन दिनेश वाघमारे अध्यक्ष व व्यवस्थापकीय संचालक महापारेषण यांच्या शुभहस्ते होणार असून प्रमुख उपस्थिती म्हणून अनिल कोलप संचालक महापारेषण मुंबई, नासिर कादरी, अशोक फळणीकर ,सुगत गमरे, रोहिदास मस्के ,भरत पाटील, या मान्यवरांच्या सोबत सातारा जिल्हा पोलीस प्रमुख समीर शेख आधी प्रमुख पाहुणे उपस्थित राहणार आहेत. तर या कार्यक्रमाचे आयोजन शिल्पा कुंभार मुख्य अभियंता कराड परिमंडल यांच्या मार्गदर्शनाखाली चिदाप्पा कोळी अधीक्षक अभियंता, अतुल मनुरकर, प्रांजल कांबळे अभिजीत धमाले, राजेश केळवकर, राजू कोळी यांच्यासह नाट्य स्पर्धा आयोजन समिती करणार आहे.
चार दिवस या ठिकाणी संपूर्ण महाराष्ट्रातून आलेले महापारेषणचे कर्मचारी व अधिकारी आपली विविध कला नाटकाच्या माध्यमातून सादर करणार आहे.
