कणकवली – राज्यातील आणखी एक नेत्याचा कोरोना अहवाल पॉझिटिव्ह आला आहे. नारायण राणे यांचे पुत्र व भाजपचे नेते माजी खासदार निलेश राणे यांंना कोरोना विषाणूचा संसर्ग झाला आहे. निलेश राणे यांनी स्वतः ट्विट करून ही माहिती दिली आहे.
निलेश राणे यांनी केलेल्या ट्विट नुसार काही प्राथमिक लक्षणे दिसल्याने मी स्वतः कोरोना चाचणी केली असता कोव्हीड १९ चा रिपोर्ट पॉझिटिव्ह आला. माझी तब्येत उत्तम असून डॉक्टरी सल्ल्याने स्वतःला क्वारनटाईन केले असून जे संपर्कात आले आहेत त्यांनी स्वतःची चाचणी करावी असे आवाहन निलेश राणे यांनी या ट्विट द्वारे केले आहे.
