चिपळूण – भारतीय जनता पक्षाचे रत्नागिरी दक्षिण जिल्हाध्यक्ष प्रशांत यादव यांच्या नव्या जनसंपर्क कार्यालयाचे उद्घाटन रविवारी पाग येथील कृष्णेश्वर नगर येथे उत्साहात पार पडले. या कार्यक्रमाचे उद्घाटन आमदार प्रमोद जठार यांच्या हस्ते करण्यात आले. यावेळी बोलताना जठार यांनी प्रशांत यादव यांच्या नेतृत्वाचे कौतुक करत, आगामी काळात ते विधानभवनातच नव्हे तर मंत्रिमंडळातही दिसतील, असा विश्वास व्यक्त केला.
पक्षविस्तारासाठी कार्यकर्त्यांनी अधिक जोमाने काम करण्याचे आवाहन करत जठार यांनी पंतप्रधान नरेंद्र मोदी यांच्या कार्यशैलीचा आदर्श घेण्याचे सांगितले. प्रशांत यादव यांनी चिपळूण व परिसरातील नागरिक आणि कार्यकर्त्यांच्या सेवेसाठी हे कार्यालय सुरू करण्यात आल्याचे सांगत, आगामी काळात जिल्ह्यात ‘शतप्रतिशत भाजप’ हे ध्येय असल्याचे नमूद केले. कार्यक्रमाला वाशिष्ठी डेअरीच्या मुख्य प्रवर्तक स्वप्ना यादव, चिपळूण नागरी पतसंस्थेच्या संचालिका स्मिता चव्हाण, ॲड. नयना पवार, जिल्हा उपाध्यक्ष बळीराम मोरे, जिल्हा सरचिटणीस स्वानंद रानडे, जिल्हा महिला सरचिटणीस सुप्रिया उतेकर, अल्पसंख्याक जिल्हाध्यक्ष लियाकत शाह, किसान मोर्चा जिल्हाध्यक्ष अजित निकम, जिल्हा परिषद सदस्य रावी मोरे व दीप्ती महाडिक, तालुका मंडल अध्यक्ष विनोद भुरण, संगमेश्वर मंडल अध्यक्ष विनोद म्हस्के, महिला मोर्चा तालुकाध्यक्ष आदिती गुडेकर, शहर मंडल अध्यक्ष शशिकांत मोदी, रुपाली दांडेकर, नगरसेविका अंजली कदम, वैशाली निमकर, रसिका देवळेकर, शीतल रानडे, नगरसेवक शुभम पिसे, संदीप भिसे, माजी नगरसेवक विजय चितळे, रामदास राणे, निलेश भुरण, रत्नदीप देवळेकर, चंद्रकांत जाधव, योगेश शिर्के, विजय देसाई, अन्वर जबले, शामून घारे, प्रथमेश शिंदे, जनार्दन पवार यांच्यासह भाजपचे पदाधिकारी व कार्यकर्ते मोठ्या संख्येने उपस्थित होते.
