गुहागर -गुहागर तालुक्यातील क्षत्रिय मराठा युवा संघटना गुहागर आयोजित मराठा प्रिमियर लीग २०२३ क्रिकेट स्पर्धेत वीर मराठा काळसुरकौंढर हा संघ अजिंक्य ठरला आहे.
गुहागर तालुक्यातील शृंगारतळीतील जानवळे फाटा येथील (गोल्डन व्ह्यू मैदानावर ) पार पडलेल्या या स्पर्धेत अनेक मराठा समाजाचे दिग्गज नेते, सेलिब्रेटी उपस्थित होते. या स्पर्धेतील अंतिम सामना हा वीर मराठा काळसुरकौढर व सिद्धिविनायक वरवेली यांच्यात झाला. यामध्ये सर्व्हेश साळवी याने धुवाधार फलंदाजी करत वीर मराठा काळसुरकौंढर संघाला विजय करण्यात मोठा वाटा उचलला. या स्पर्धेच्या बक्षीस समारंभासाठी माजी खासदार निलेश राणे, मराठा नेते केशवराव भोसले, सुधीर भोसले आदी उपस्थित होते या मान्यवरांच्या हस्ते विजेत्या संघाला पारितोषिक देण्यात आले.
या स्पर्धेमध्ये एकुण 20 संघ मालक आणि साडेतीनशे खेळाडू सहभागी झाले होते. स्पर्धेतील प्रथम विजेत्यां वीर मराठा काळसुरकौढर संघाला ५५ हजार ५५५, रुपये व पारितोषक तर द्वितीय विजेत्या सिद्धिविनायक वरवेली या संघाला ३३ हजार ३३३, रुपये व पारितोषक तर तृतीय विजेत्या जय सोनसाळवी जामसुत या संघाला ११ हजार, तर चतुर्थ स्वामी समर्थ चिखली या संघाला ७ हजार व प्रत्येकी चषक देऊन सन्मानीत करण्यात आले.
अंतिम सामन्यातील सामनावीर म्हणून सर्वेश साळवी तर उत्कृष्ट क्षेत्ररक्षक सुरज शिंदे, उत्कृष्ट फलंदाज, सर्वेश साळवी, उत्कृष्ट गोलंदाज प्रकाश साळवी, तर संपूर्ण सामन्यात उत्कृष्ट कामगिरी केली म्हणून मॅन ऑफ द सिरीज विराज विचारे यांना गौरवण्यात आले.
या स्पर्धेसाठी मराठा समाजातील दिग्गज नेते केशवराव भोसले, आमदार भास्कर जाधव, माजी खासदार निलेश राणे, माजी आमदार विनय नातू माजी आमदार सदानंद चव्हाण, माजी आमदार रमेश कदम ,संभाजी ब्रिगेडचे सुधीर भोसले यांच्यासह जिल्ह्यातील अनेक मान्यवर नेत्यांनी या स्पर्धेला सदिच्छा भेट दिली.
क्षत्रिय ज्ञाती मराठा संघटना, गुहागर यांच्या मार्गदर्शनाखाली क्षत्रिय मराठा युवा संघटना गुहागर ही मराठा समाजाच्या सर्व गावातील तरुणांना एकत्र करणे व क्षत्रिय मराठा भवन उभारणे हा उद्देश डोळ्यासमोर ठेऊन मराठा प्रिमियर लीगचे आयोजन केलेले होते. जिल्ह्यातील अशा स्वरुपाची ही प्रथमच स्पर्धा आहे. मराठा प्रिमियर लीग ही केवळ क्रिकेटची स्पर्धा नसून मराठ्यांचा महामेळा होतं. या स्पर्धेच्या निमित्ताने गुहागर तालुक्यातील सर्वदूर पसरलेल्या मराठा समाज बांधवांना एकाच छताखाली आणण्याचा हा प्रयत्न होता आणि तो यशस्वी झाल्याचं अँड. संकेत साळवी यांनी सांगितले. ही स्पर्धा यशस्वी करण्यासाठी मराठा समाजातील सर्वच तरुणांनी खूप मेहनत घेतली तसेच मराठा समाजाचे गुहागर तालुक्याचे अध्यक्ष डॉक्टर प्रकाश शिर्के यांच्या नेतृत्वाखाली ही स्पर्धा यशस्वी करण्यात यश आले.
