रत्नागिरी -कोकण रेल्वे मार्गावर कुडाळ-झाराप रेल्वे स्टेशनच्या मध्ये असलेल्या तेर्सेबांबर्डे गेटजवळ विजेचं काम करणाऱ्या स्पेशल गाडीला (युटीलिटी व्हॅन) आज सकाळी 9.30 वाजता अचानक आग लागली. ही आग आटोक्यात आणण्यासाठी कुडाळ एमआयडीसी, सावंतवाडी आणि वेंगुर्ले येथून अग्निशामक दलाला पाचारण करण्यात आले. या लागलेल्या आगीत बोगीचे आणि दुरुस्ती साहित्याचे नुकसान झाले आहे. कोकण रेल्वेच्या मुख्य मार्गावर ही घटना घडल्याने राजधानीसह, जनशताब्दी, मांडवी या रेल्वे खोळंबल्या असून कोकण रेल्वेची वाहतूक पूर्णतः विस्कळीत झाली आहे.
